قصيدة تتغنى بالرحامنة
قصيدة
ل کاسم رشيد:
سيدي غانم يا مول الواد
بلاد الحركة علام وخيل وزناد
سيدي منصور في بلادك جيت نزور
انا والأولاد
طالبين ضيف الله في الصخور
ناسها ولاد الجواد
سكورة جيت نقول في حقك جوج سطورة
دمعي على محبتكم هواد
سيدي عبدالله خير ما جاد به الله
الله ينورهم ويزيد في العتاد
بوشان الهمة والشان
فيها فقهاء عباد وزهاد
ايت حمو لمعجباتو يشلل فمو
رجالها أسياد
ايت الطالب لمحبتكم انا طالب
يا خير العباد
اولاد عامر قلبي بكم عامر
في عروقي شاد
الجعافرة ناسك بالمحبة عامرة
من خيمة لخيمة قوت وزاد
أولاد حسون بكم انا مفتون
ملي الخير منكم فاض
البراحلة حلوة ومالحة
زرعها يشافي ضر الكباد
لبريكين ناس زوينين
كاع العباد عليكم شهاد
ابن جرير ارض الخير
منها بدا الجهاد
نزالة العظم بالقلب بالدم
تاريخ صنعوه الأجداد
سيدي بوعثمان أرض بلعمان
معركتها هزت الأمجاد
الجبيلات لوحات جميلات
بنات ولاد
اولاد املول ما عندي ما نقول
في الشدة قياد
المحرة رجال بالفطرة
في الخير حسب وخدم العداد
سيدي بوبكر العز والنصر
أولياء وأسياد
الجعيدات وريدات
في جبالها حجر ورمل وعواد
بوروس تاج فوق الروس
في بلادهم دكو الوتاد
عكرمة كمرة في الظلمة
ناسها مولانا بهم جاد
الطلوح نبض الروح
بالفخر والمداد
راس العين نور العين
زيتونها منو ولد بلادي خاد
الرحامنة اجمل بلاد
لا تعليقات في " قصيدة تتغنى بالرحامنة "