الموقف الاسباني من قضية الصحراء حدث تاريخي
الموقف الاسباني من قضية الصحراء راه حدث تاريخي٬ لا يقل اهمية عن الحدث التاريخي الاخر ديال اعتراف امريكا بمغربية الصحراء ايام ادارة ترامب واللي استمر مع ادارة بايدن. اسبانيا تاريخي لان هاد الدولة هي المستعمرة الاخيرة للصحراء ومن 1975 ديما كانت قضية الصحراء عند جميع الاحزاب السياسية من اليمين الى اقصى اليسار قضية وطنية ماشي دولية. قضية تهم الاسباني. جات الازمة ديال 2008 وبدات القضية كتنقص بشوية بشوية. ما بقاتش بديك الاهمية. الازمة الاقتصادية اللي ضربات اسبانيا خلاتهم يركزو على المعيش اليومي اكثر ولكن سياسيا بقى عند القضية داك الاهتمام.
رسالة رئيس الحكومة الصبليونية البارح للملك محمد السادس تاريخية. فيها 12 نقطة كتهم المحاور مهمة لعلاقة جديدة بين الدولتين.
الموقف من الصحراء واللي كان واضح ثم الموقف من اسبانية سبتة ومليلية اللي حتى هو كان واضح فالرسالة شانشيث للملك محمد السادس ثم حق الجورة فيها الجغرافيا والتاريخ والمصالح فالدعوة للثقة فالمستقبل ولكن هاد الدعوة فيها التزام واضح بالشفافية والوضوح وعدم الطعن فالظهر كيف وقع فقضية ابراهيم غالي وفيها دعوة مدريد للمغرب باش يخدمو جميع ضد الهجرة. موضوع ممكن جدا يطيح اي حكومة فالصبليون.
الصحراء :
1
اسبانيا كتعتابر المبادرة المغربية للحكم الذاتي بمثابة الأساس الأكثر جدية وواقعية ومصداقية من أجل تسوية الخلاف” المتعلق بالصحراء
2
الموقف السياسي الاسباني ولى كيعرف دابا “أهمية قضية الصحراء بالنسبة للمغرب”
3
اشادة بجهود الرباط الجادة وذات المصداقية في إطار الأمم المتحدة من أجل تسوية ترضي جميع الأطراف”
4
ضمان الاستقرار والوحدة الترابية للبلدين.
حق الجوار:
5
البلدان تجمعهما، بشكل وثيق، أواصر المحبة، والتاريخ، والجغرافيا، والمصالح، والصداقة المشتركة وعندهم نفس المصير
6
ازدهار المغرب من ازدهار الصبليون والعكس صحيح
المستقبل فالثقة:
7
بغينا علاقة جديدة مبنية على الشفافية والتواصل الدائم، والاحترام المتبادل والاتفاقيات الموقعة بين الطرفين
سانشيث: ما بقيتش نعاود اللي درت مع غالي وما بقيتش نغدركم ونطعنكم من الظهر ونكونو كلمة.
8
هادي بانت فهاد العبارة اللي جات فالرسالة: “الامتناع عن كل عمل أحادي الجانب، وفي مستوى أهمية جميع ما نتقاسمه”
9
الصبليون غادية تعمل “بكل الشفافية المطلقة الواجبة مع صديق كبير وحليف”.
10
إسبانيا ستحترم على الدوام التزاماتها وكلمتها
المطالب اللي بغيناها منكم يا المغرب بكل احترام
11
العمل المشترك للتصدي للتحديات المشتركة، ولاسيما التعاون من أجل تدبير تدفقات المهاجرين في البحر الأبيض المتوسط والمحيط الأطلسي، والعمل على الدوام في إطار روح من التعاون الكامل
سبتة ومليلية :
هاد الجملة “ضمان الاستقرار والوحدة الترابية للبلدين”
لا تعليقات في " الموقف الاسباني من قضية الصحراء حدث تاريخي "